Vitamin C Rich Foods List In Kannada

Vitamin C Rich Foods List In Kannada

ದೇಹದ ವಿಟಮಿನ್ ಸಿ ಪ್ರಮಾಣ ಹೆಚ್ಚಿಸಲು ಆರೋಗ್ಯಕರ ಟ್ರಿಕ್ಸ್

Mahantesh Batakurki | Vijaya Karnataka | Updated: Aug 6, 2020, 2:50 PM

ವಿಟಮಿನ್ ' ಸಿ ' ಅಂಶ ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಜೊತೆಗೆ ನಮ್ಮನ್ನು ಕೊರೊನ ಸೋಂಕಿನಿಂದ ದೂರವಿರಿಸುತ್ತದೆ.

ಕೊರೊನಾ ವೈರಸ್ ಹಾವಳಿಯಿಂದ ಕಂಗೆಟ್ಟು ಹೋಗಿರುವ ನಮಗೆ ಇಂದು ನಮ್ಮ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳುವುದೇ ಒಂದು ದೊಡ್ಡ ಸವಾಲಿನ ಕೆಲಸ. ಯಾವ ಆಹಾರಗಳನ್ನು ಸೇವಿಸಬೇಕು, ಯಾವುದನ್ನು ಬಿಡಬೇಕು ಎಂಬುದೇ ದೊಡ್ಡ ಗೊಂದಲವಾಗಿ ಜನರನ್ನು ಕಾಡುತ್ತಿದೆ. ಹಾಗೆಂದು ನಮ್ಮ ಆರೋಗ್ಯದ ಬಗ್ಗೆ ನಾವು ನಿರ್ಲಕ್ಷ ವಹಿಸಲು ಸಾಧ್ಯವಿಲ್ಲ.

ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಲು ನಮಗೆ ವಿಟಮಿನ್ ' ಸಿ ' ಅಂಶಗಳನ್ನು ಒಳಗೊಂಡ ಆಹಾರವನ್ನು ಸೇವಿಸುವ ಅವಶ್ಯಕತೆ ಇರುತ್ತದೆ. ನಾವು ಪ್ರತಿ ದಿನ ಬಗೆ ಬಗೆಯ ಆಹಾರಗಳನ್ನು ಸೇವನೆ ಮಾಡುತ್ತೇವೆ.

ಆದರೆ ಅವುಗಳಲ್ಲಿ ವಿಟಮಿನ್ ' ಸಿ ' ಅಂಶ ಹೆಚ್ಚಿಗೆ ಇರುವ ಆಹಾರಗಳು ಯಾವುವು ಎಂಬುದು ನಮಗೆ ಅಷ್ಟಾಗಿ ತಿಳಿದಿರುವುದಿಲ್ಲ. ಹಾಗಾಗಿ ಈ ಲೇಖನದಲ್ಲಿ ನಿಮಗೆ ಅಗತ್ಯವಾದ ಮಾಹಿತಿಯನ್ನು ನಿಮ್ಮ ಆರೋಗ್ಯದ ಅನುಗುಣವಾಗಿ ಒದಗಿಸಲಾಗಿದೆ.

​ವಿಟಮಿನ್ ' ಸಿ ' ನ ದಿನದ ಅಗತ್ಯತೆ ಹೀಗಿದೆ ನೋಡಿ

• ನಮ್ಮ ದೇಹ ವಿಟಮಿನ್ ' ಸಿ ' ಅಂಶವನ್ನು ತನ್ನ ಅಗತ್ಯಕ್ಕೆ ತಕ್ಕಂತೆ ಉತ್ಪತ್ತಿ ಮಾಡಲು ಸಾಧ್ಯ ಆಗುವುದಿಲ್ಲ. ಈ ಸಮಯದಲ್ಲಿ ನಾವು ಹೊರಗಿನಿಂದಲೇ ಅಂದರೆ ಬೇರೆ ಆಹಾರ ಪದಾರ್ಥಗಳಿಂದ ಇದನ್ನು ಪಡೆಯಬೇಕಾಗುತ್ತದೆ. ಒಬ್ಬ ವ್ಯಕ್ತಿಗೆ ಒಂದು ದಿನಕ್ಕೆ ಸುಮಾರು 65 ರಿಂದ 90 ಮಿಲಿ ಗ್ರಾಂ ವಿಟಮಿನ್ ' ಸಿ ' ಅಂಶ ಬೇಕಾಗಿರುತ್ತದೆ.
• ಯಾವುದೇ ಒಬ್ಬ ವ್ಯಕ್ತಿ ದಿನದಲ್ಲಿ 2000 ಮಿಲಿ ಗ್ರಾಂ ಗಿಂತ ಹೆಚ್ಚಿನ ಪ್ರಮಾಣದ ವಿಟಮಿನ್ ಸಿ ಅಂಶವನ್ನು ಸೇವಿಸುವಂತಿಲ್ಲ. ಯಾವ ಆಹಾರ ಪದಾರ್ಥಗಳಲ್ಲಿ ಹೆಚ್ಚಿನ ಪ್ರಮಾಣದ ವಿಟಮಿನ್ ' ಸಿ ' ಅಂಶ ಇರುವುದು ಕಂಡು ಬರುತ್ತದೆ, ಅಂತಹ ಆಹಾರ ಪದಾರ್ಥಗಳನ್ನು ನಾವು ವೈದ್ಯರ ಸೂಚನೆಯಂತೆ ಮಾತ್ರವೇ ಸೇವಿಸಬೇಕಾಗುತ್ತದೆ.
• ಉದಾಹರಣೆಗೆ ಕಿತ್ತಳೆ ಹಣ್ಣು, ಬ್ರೊಕೋಲಿ, ಕೆಂಪು ಬಣ್ಣದ ದಪ್ಪ ಮೆಣಸಿನಕಾಯಿ ನಮ್ಮ ಆರೋಗ್ಯಕ್ಕೆ ಸಾಕಷ್ಟು ವಿಟಮಿನ್ ' ಸಿ ' ಅಂಶವನ್ನು ಒದಗಿಸುವುದರ ಜೊತೆಗೆ ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡಿ ನಮ್ಮ ಆರೋಗ್ಯವನ್ನು ಕಾಪಾಡುತ್ತದೆ. ನಾವು ಸೇವಿಸುವ ವಿಟಮಿನ್ ' ಸಿ ' ಅಂಶ ಕೂಡ ಒಂದು ಮಿತಿಯಲ್ಲಿರಬೇಕು.
• ಒಂದು ವೇಳೆ ಇದು ಹೆಚ್ಚಾದರೆ ನಮಗೆ ವಾಕರಿಕೆ, ವಾಂತಿ, ಭೇದಿ, ತಲೆ ನೋವು, ಇನ್ಸೋಮ್ನಿಯಾ, ಎದೆಯುರಿ ಮತ್ತು ಕೈ ಕಾಲುಗಳ ಸೆಳೆತ ಉಂಟಾಗುವ ಸಾಧ್ಯತೆ ಇರುತ್ತದೆ. ಆದರೆ ಈ ಮೇಲೆ ತಿಳಿಸಿದ ಆಹಾರಗಳು ನಮ್ಮ ದಿನದ ಹತ್ತಿರಕ್ಕೆ ತಕ್ಕಂತೆ ನಮಗೆ ವಿಟಮಿನ್ ' ಸಿ ' ಅಂಶವನ್ನು ಒದಗಿಸುತ್ತದೆ.

ಇವು 'ವಿಟಮಿನ್ ಸಿ' ಇರುವ ಆಹಾರಗಳು, ಆರೋಗ್ಯಕ್ಕೆ ಒಳ್ಳೆಯದು...

​ಹೀಗೊಂದು ತಂತ್ರ ಅನುಸರಿಸಿ

• ನೀವು ನಿಮ್ಮ ಮನೆಯಲ್ಲಿ ಪ್ರತಿ ದಿನ ತಯಾರು ಮಾಡುವ ಯಾವುದೇ ಬಗೆಯ ದಾಲ್, ಸಬ್ಜಿ, ಸೂಪ್, ಸಲಾಡ್ ಇತ್ಯಾದಿಗಳಿಗೆ ಸ್ವಲ್ಪ ನಿಂಬೆ ರಸ ಹಿಂಡಿ ಸೇವಿಸುವ ಅಭ್ಯಾಸ ಮಾಡಿಕೊಳ್ಳಿ.
• ಏಕೆಂದರೆ ಒಂದು ಹೋಳು ನಿಂಬೆ ಹಣ್ಣಿನ ರಸದಲ್ಲಿ ಸುಮಾರು 83 ಮಿಲಿ ಗ್ರಾಂ ವಿಟಮಿನ್ ' ಸಿ ' ಅಂಶ ಇರುತ್ತದೆ. ಇದು ವೈದ್ಯರು ಪ್ರತಿ ದಿನ ಸೂಚಿಸಿರುವ ಅಗತ್ಯತೆಯ ಶೇಕಡ 92 % ದಷ್ಟು ವಿಟಮಿನ್ ' ಸಿ ' ಅಗತ್ಯತೆಯನ್ನು ನಿಮ್ಮ ದೇಹಕ್ಕೆ ಪೂರೈಸುತ್ತದೆ.

​ವಿಟಮಿನ್ ' ಸಿ ' ಅಂಶವನ್ನು ಒಳಗೊಂಡ ಆಹಾರಗಳು

• ಸೀಬೆ ಹಣ್ಣು, ಪರಂಗಿ ಹಣ್ಣು, ಕಿತ್ತಳೆ ಹಣ್ಣು, ಸ್ಟ್ರಾಬೆರಿ, ಬ್ರೊಕೋಲಿ, ಕಿವಿ, ಕೇಲ್, ಲಿಚಿ ಹಣ್ಣು, ಪಾರ್ಸಲಿ ಹಣ್ಣು ಇತ್ಯಾದಿಗಳಲ್ಲಿ ವಿಟಮಿನ್ ' ಸಿ ' ಅಂಶ ಸಾಕಷ್ಟು ಕಂಡು ಬರುತ್ತದೆ.
• ಹಾಗಾಗಿ ನಿಮಗೆ ಸಾಧ್ಯವಾದಷ್ಟು ಪ್ರತಿ ದಿನವೂ ಇಂತಹ ಹಣ್ಣುಗಳನ್ನು ನಿಮ್ಮ ಮಧ್ಯಾಹ್ನದ ಊಟದ ನಂತರ ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಳ್ಳುವುದರಿಂದ ದಿನ ಕಳೆದಂತೆ ಕ್ರಮೇಣವಾಗಿ ನಿಮ್ಮ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತಾ ಹೋಗುತ್ತದೆ.
• ಇದರಿಂದ ನಿಮ್ಮನ್ನು ನೀವು ಮಳೆಗಾಲದಲ್ಲಿ ಎದುರಾಗುವ ಸಣ್ಣ ಪುಟ್ಟ ಸೋಂಕುಗಳಿಂದ ಕಾಪಾಡಿಕೊಳ್ಳಲು ಸಹಾಯ ಆಗುತ್ತದೆ. ನೀವು ಸಹ ಇವುಗಳನ್ನು ಸೇವಿಸಿ ನಿಮ್ಮ ಮನೆಯ ಮಂದಿಗೂ ಸೇವಿಸಲು ತಿಳಿಸಿ.

Read in English : The easiest diet trick to boost your vitamin C levels

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ

ಕೀವರ್ಡ್ಸ್‌

Web Title : easy ways to get more vitamin c, to your body
Kannada News from Vijaya Karnataka, TIL Network

Vitamin C Rich Foods List In Kannada

Source: https://vijaykarnataka.com/lifestyle/health/easy-ways-to-get-more-vitamin-c-to-your-body/articleshow/77390217.cms